Digital Marketinq xidmətləri hansılardır?

Digital marketinq adlanan marketinq sahəsi hal-hazırda demək olar ki, hər bir şirkət və marka üçün zərurətə çevrilmişdir. Digital marketinq, insanlara etibarlılıq və tanıtım yaratmaq üçün istifadə edilən əsas üsuldur. Markalar onlayn marketinq taktikalarını inkişaf etdirərək daha geniş müştəri bazasına çata bilər. Bu bloqumuzda sizə Digital marketinqin nə olduğu və xidmətləri haqqında ətraflı məlumat verəcəyik.

Digital marketinq nədir?

Digital marketinq elektron və onlayn platformalar vasitəsilə məhsul və xidmətlərin tanıtımına verilən addır. Digital marketinq markaların daha sürətli inkişafını və tanınmasını təmin edir.
Günümüzdə sosial media və mobil platformalar bu mövzuda şirkətlərə üstünlüklər verir. Digital marketinq məhsulu hədəf auditoriyaya çatdırmaqda rahatlığı təmin edir. Bununla yanaşı, digital marketinq üsulları internet üzərindən həyata keçirildiyi üçün şirkətlər qlobal sferada da fəaliyyət göstərir. Digital marketinq daima dəyişən dinamik bir sahə hesab olunur. Rəqəmsal marketinq metodlarından istifadə edən brendlər öz müştəri bazası ilə interaktiv əlaqəni təmin edə bilir.

Digital marketinqlə ənənəvi marketinqin fərqi nədir?

Digital marketinqin ənənəvi marketinqlə ortaq cəhətləri müştəri yönümlü olmalarıdır. Lakin, əsas fərq rəqəmsal marketinq sahəsində müştəri profilləri daha ətraflı və tez təhlil edilə bilməsidir. Bu baxımdan da rəqəmsal marketinq üsulları ilə müştərilərlə daha yaxşı ünsiyyət qurulur. Brendlər rəqəmsal marketinq metodlarından istifadə edərək müştəri profillərini və davranışlarını təhlil edir. Nəticədə, onlar hədəf auditoriyasına istədiklərini verməkdə daha uğurlu olurlar. Buna görə də, Digital marketinq ənənəvi marketinqdən bu cəhətdən üstünlük təşkil edir.

Digital marketinq xidməti nədir?

Digital marketinq xidmətləri axtarış motorlarında, sosial mediada və digər ödənişli platformalarda biznesinizi onlayn bazara çıxarmağa və ya reklam etməyə kömək edən peşəkar xidmətlərdir. Rəqəmsal marketinq xidməti çap və ya televiziya kimi ənənəvi marketinq kanallarından fərqli olaraq yalnız rəqəmsal kanallara aiddir.

Digital marketinq xidmətlərinə nələr aiddir?

SEO (Search Engine Optimization) - ifadəsinin abbreviaturasıdır və dilimizə "axtarış motoru optimallaşdırılması" kimi tərcümə olunur. Bu xidmətə müvafiq axtarışlarda saytınızın görünməsini artırmaq üçün optimallaşdırma tədbirləri daxildir. Şübhəsiz ki, vebsayt səhifələriniz axtarış nəticələrində nə qədər çox görünürsə, həm potensial, həm də mövcud müştəriləri biznesinizə cəlb etmək ehtimalınız bir o qədər də yüksələcəkdir.

Kontent marketinq -  brendinizə hədəflənən potensial müştərilər üçün faydalı məzmun yaratmağa əsaslanan, yəni alıcıların ehtiyaclarına cavab verən rəqəmsal marketinq fəaliyyətidir. Burada əsas məqsəd, hədəf auditoriyasından gələn veb sayt trafikini artırmaq və daha sonra bu auditoriyaya yönəlmiş aktivlikləri görməkdir. Kontent marketinqinə kömək edəcək vasitələr sosial media və rəqəmsal reklam, xüsusilə SEO-dur. SEO və kontent marketinq xidmətləri yaxşı dizayn edildikdə, onlar markanıza çox ciddi bir dəyər qatır və satış rəqəmlərinizi aydın şəkildə artırır.

Digital reklam - Kliklərə görə pul ödədikləri onlayn reklam modelidir. Sosial media reklamı isə hədəf auditoriyaya çatmaq üçün sosial media platformalarında ödənişli reklam kampaniyalarının aparıldığı digital marketinqin bir qoludur.

Sosial Media menecmenti - Sosial medianın idarə edilməsi sosial media platformalarında yayımlanan məzmunun yaradılması, planlaşdırılması, təhlili prosesidir.

Veb Dizayn - Veb saytınızın cəlbedici olması həm məhsulunuzun tanıtımını, həm də gəlirinizi artıracaq.